News

အများကလိုလားတောင့်တနေတဲ့ ဒီမိုကရေစီနည်းလမ်း မကျတဲ့ လက်နက်နဲ့ အနိုင်ကျင့်ပြီး လူထုကို အကြောက်တရားနဲ့ အုပ်ချုပ်ခြင်းမျိုးကို မိမိမလိုလားဟု စစ်ကောင်စီဥက္ကဋ္ဌမှ ပြောကြား

အများကလိုလားတောင့်တနေတဲ့ ဒီမိုကရေစီနည်းလမ်း မကျတဲ့ လက်နက်နဲ့ အနိုင်ကျင့်ပြီး လူထုကို အကြောက်တရားနဲ့ အုပ်ချုပ်ခြင်းမျိုးကို မိမိမလိုလားဟု စစ်ကောင်စီဥက္ကဋ္ဌမှ ပြောကြား

ဒီမိုကရေစီနည်းလမ်းမကျတဲ့ လက်နက်ဖြင့်အနိုင်ကျင့်ပြီး လူထုအား အကြောက်တရားနဲ့ အုပ်ချုပ်တာမျိုးကို မလိုလားကြောင်းနဲ့ တပ်မတော်အနေနဲ့ နိုင်ငံအုပ်ချုပ်ရေးကို တိုက်ရိုက်ဆောင်ရွက်ခြင်းမရှိဘဲ သက်ဆိုင်ရာအရပ်ဖက် အုပ်ချုပ်ရေးအဖွဲ့အစည်းတွေနဲ့ သာ ဆောင် ရွက်နေတယ်လို့ အာဏာသိမ်းအကြမ်းဖက်စစ်ခေါင်း ဆောင်က ပြောကြားလိုက်ပါတယ်။… စက်တင်ဘာ ၂၄ ရက်က နေပြည်တော်မှာ

ကျင်းပတဲ့ စစ်ကောင်စီ အစည်းအဝေးမှာ အာဏာသိမ်း စစ်ခေါင်း ဆောင် ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားစဉ် ထည့်သွင်းပြောသွားတာပါ။… မိမိတို့အနေနဲ့ နိုင်ငံသာယာဝပြောရေးအတွက် ကြိုးပမ်းဆောင်ရွက်နေကြောင်း၊ နိုင်ငံသာယာဝပြောရေးအတွ က် စည်းကမ်းရှိတဲ့ ဒီမိုကရေစီစနစ်၊ ဝင်ငွေကောင်း မွန်မှု၊ အလုပ်အကိုင်ရရှိမှု၊ ရောဂါကင်းစင်မှု၊

ရာသီအလို က် ပွဲလမ်းသဘင်တွေနဲ့ ပျော်ရွှင်မှုတွေရှိရမှာ ဖြစ်လို့မျှော်မှန်းဆောင်ရွက်နေကြောင်း၊ မိမိတို့နိုင်ငံအနေနဲ့ ကြိုးစားဆောင်ရွက် မယ်ဆိုပါက ၅ နှစ်အတွင်း အာဆီယံနိုင်ငံတွေမှာ အလယ်အလတ် အဆင့်သို့ရောက်ရှိနိုင်ပြီး ၁၀ နှစ်အတွင်း ထိပ်တန်းအဆင့်သို့ရောက်ရှိနိုင်ကြောင်း စစ်ခေါင်းဆောင်က ပြောပါတယ်။… ပြည်တွင်းငြိမ်းချမ်းရေးနဲ့ ပတ်သက်လို့ မိမိတို့နိုင်ငံမှာ လွတ်လပ်ရေးရပြီးချိန်မှစပြီး အခုအချိန်အထိ ရာ နှုန်းပြည့် ငြိမ်းချမ်းမှုမရရှိသေးကြောင်း၊ နိုင်ငံသာယာ ဝ ပြောရေးအတွက်

ငြိမ်းချမ်းရေးရရှိဖို့ လိုအပ်ကြောင်း၊ ငြိမ်းချမ်းရေးရရှိဖို့အတွက် ဒီမိုကရေစီရဲ့ အခြေအနေ ကိုနားလည်ဖို့နဲ့ နိုင်ငံရဲ့ ပကတိအခြေအနေအား နား လည်ဖို့လိုအပ်ကြောင်းလည်း ဒီမိုကရေစီသဘော တ ရားတွေကို အာဏာသိမ်းစစ်ခေါင်းဆောင်က စစ်ကော င်စီဝင်တွေကို ရှင်းလင်းပြောဆိုသွားခဲ့ပါတယ်။… ဒါ့အပြင် ကောင်စီဝင်တွေအနေနဲ့ နိုင်ငံရေးအရပကတိ အခြေအနေ၊ စီပွားရေးအရပကတိ အခြေအနေ၊ နိုင်ငံ တကာဆက်ဆံရေး ပကတိအခြေအနေပေါ် စဉ်းစား ဆောင်ရွက်ခြင်းဖြင့် နိုင်ငံ့အကျိုးအတွက်

ထိရောက်စွာဆောင်ရွက်ကြဖို့နဲ့ လုပ်ငန်းတွေဆောင်ရွက်ရာမှာ လွတ် လပ်စွာတွေးခေါ်ပြီး နိုင်ငံအတွက် ဖြစ်သင့်တဲ့ စကားမျိုး၊ ဖြစ်သင့်တဲ့ အလုပ်မျိုးတွေဆောင်ရွက်ဖို့ လည်း တိုက်တွန်းပြောသွားပါတယ်။… လက်ရှိနိုင်ငံရဲ့ စီးပွားရေးပတ်သက်လို့ ပို့ကုန် သွင်း ကုန်ကဏ္ဍ ကျဆင်းနေပေမဲ့ နယ်စပ်ကုန်သွယ်မှုတိုး တက်နေတာကြောင့် နယ်စပ်ကုန်သွယ်ရေးဂိတ်တွေကို ပုံမှန်ကုန်သွယ်ရေး Normal Trade ပုံစံ ရောက်ရှိ အောင် ဆောင်ရွက်သွားမယ်လို့လည်း ပြောပါတယ်။… ကိုဗစ်-၁၉ ရောဂါကူးစက်မှုနှုန်းကျဆင်းမှုကြောင့်

ရုံးတွေ နှစ်ပတ်တက်နှစ်ပတ်နားစနစ်နဲ့ ပြန်လည်ဖွင့်လှစ်ခဲ့ကြောင်း၊ ရောဂါကူးစက်မှုရာခိုင်နှုန်း ၅ ရာခိုင်နှုန်းအောက်ရောက်ရှိမှသာ စိတ်ချရတဲ့အခြေ အနေဖြစ်လို့ စာသင်ကျောင်းတွေ အောက်တိုဘာလ ၂၄ ရက်အထိ ပိတ်ထားမှာ ဖြစ်ပြီး တရုတ်ကလှူတဲ့ စီနိုဗက်ကိုဗစ်-၁၉ ရောဂါကာကွယ်ဆေး ၂ သန်းကို အသက် ၁၂ နှစ်နဲ့ အထက် ကျောင်းသား၊ ကျောင်းသူတွေကို

ထိုးနှံပေးမယ်လို့ဆိုပါတယ်။… မြန်မာနိုင်ငံမှာ ယခုအခါ တစ်ရက် လျှင် ကိုဗစ်-၁၉ ရောဂါကာကွယ်ဆေး ၃ သိန်းခန့်ထိုးနှံပေးနေပြီး၊ ကိုဗစ်-၁၉ ရောဂါကာကွယ်ဆေး အလုံးရေ ၁၅ သန်း ၆ သိန်းရရှိထားကာ စက်တင်ဘာ ၂၄ ရက် မနက်အထိ ၉၇၄၆၅၄၇ ဦးထိုးနှံပြီးပြီလို့သိရပါတယ်။… ကာကွယ်ဆေးနှစ်ကြိမ်အပြည့် ထိုးနှံပြီးသူ ၃၅၈၅၉၀၆ ဦး၊ တစ်ကြိမ်ထိုးနှံပြီးသူ ၂၅၇၄၇၃၅ ဦး ရှိပြီဖြစ် ကြော င်း၊ အောက်တိုဘာလမှာ ကာကွယ်ဆေးအလုံးရေ ၁၀ သန်း ရောက်ရှိမှာဖြစ်လို့ စဉ်ဆက်မပြတ် ဆက်လက်

ထိုးနှံပေးသွားမယ်လို့လည်း သိရပါတယ်။… နိုင်ငံတကာမှာဆို ဒီမိုကရေစီစနစ်နဲ့ ပတ်သက်ပြီး ငြိမ်းချမ်းစွာဖော်ဆောင်နေကြပြီး ဒီမှာလည်း အဲ့ဒီလို ငြိမ်းချမ်းစွာ ဆောင်ရွက်နိုင်အောင် ကြိုးပမ်းဆောင် ရွက်ဖို့လိုတယ်လို့ နစကဥက္ကဌက နစက အစည်းအဝေး (၁၅/၂၀၂၁)မှာ နစကကောင်စီဝင်တွေနဲ့ ဝန်ကြီးတွေကို ပြောဆိုလိုက်ပါတယ်။… ဒါ့အပြင်

ဒီမိုကရေစီနည်းလမ်း မကျတဲ့ လက်နက်နဲ့ အနိုင်ကျင့်ပြီး လူထုကို အကြောက်တရားနဲ့ အုပ်ချုပ်ခြင်းမျိုးကို မိမိ မလိုလားတဲ့အကြောင်း ပြီးတော့ တပ်မတော်အနေနဲ့ နိုင်ငံအုပ်ချုပ်ရေးနဲ့ ပတ်သက်ပြီး တိုက်ရိုက် ဆောင်ရွက်ခြင်းမရှိဘဲ သက်ဆိုင်ရာအရပ်ဖက် အုပ်ချုပ်ရေးအဖွဲ့အစည်းတွေနဲ့ပဲ ဆောင်ရွက်နေတဲ့အကြောင်းတွေလည်းပြောဆိုပါတယ်။…. နောက်ပြီး

နိုငံဖွံဖြိုးတိုးတက်ရေးအတွက် အားလုံးညီညွတ်မျှတကြဖို့၊ လက်နက်ကိုင်ဖြေရှင်းတဲ့လမ်းစဉ်ကို မိမိအနေနဲ့ မလိုလားတဲ့အကြောင်း၊ သိုသော်ပြည်သူတွေရဲ့ အသက်အိုးအိမ်စည်းစိမ်လုံခြုံရေးအတွက် ဆောင် ရွက်နေရခြင်းများရှိတဲ့အကြောင်းပါ ဆက်ပြောပါတယ်။

ဒါ့အပြင် နိုင်ငံအတွင်း မြေပေါ်၊ မြေအောက် သယံဇာတများ၊ ပညာတတ်တွေနဲ့ လုံလောက်တဲ့ လူ့စွမ်းအား အရင်းအမြစ်တွေ ရှိပြီးဖြစ်၍ ကြိုးစားလုပ်ဆောင်ရင် မဖြစ်နိုင်စရာမရှိဘူးလို့လည်း နစကဥက္ကဌက ထပ်လောင်းပြောဆိုပါတယ်။…

crd-